بخون بینیشتده مردوم چی عاشقانه بگم / چومانه ارسو مرا شعرو یا ترانه بگم
هاچین دمرده یمه بسکی چومه اروسو دکفت / ده ارسوجا نتانم شعره دیلبرانه بگم
می مردوما کی دینم خالی سفره گریانَد/ چوتو بایم دیله که حرفه شاعرانه بگم
خایم می ایجگره جا پاک فوگورده آ دونیا / میانه بی خانه مان دیل دیلی دیلانه بگم!؟
خایم کی ویشتایانا تا تانم دپرکانم / خایم جه حاکیمه دوزو اونه بهانه بگم
بایید ده وخته هارای ز ئن، دکفته میدانیم / می امرا پا بوبو از جنگه جنگلانه بگم
هیزار هیزار کرا میرزا داریم چره بیبی زار/ جه میرزا ایرثه اما،حورمته تی لانه بگم
وطن فوروش بوبو حاکیم وطن بوشو به حراج/ چوتو چوما فوچینم گریه خند یانه بگم!؟
ده دیل میشین هاچینه ول بیگفت جه آ بیداد/ خایم جه ویشتا، آویر، مردومه می خانه بگم
گیل آوایی تی جیوانان ده مرده میداند/ سی یا روزان دواره وا ستی دیلبرانه بگم
آذرماه1390/دسامبر2011
هیچ نظری موجود نیست:
ارسال یک نظر